O‘zbekistonning zaif eshituvchilar terma jamoasi Osiyo chempionatida ishtirok etish uchun kecha, 23-aprel tunida Janubiy Koreyaga yo‘l oldi, deb xabar beradi O‘FA matbuot xizmati.
Janubiy Koreyaning Changvun shahrida 23-apreldan 6-mayga qadar 4-Osiyo chempionati bo‘lib o‘tadi. O‘tgan yil Tailandda Jahon chempionligiga erishgan O‘zbekistonning zaif eshituvchilar terma jamoasi endi Osiyo chempionligi uchun kurashadi.
Murodjon Ahmedov boshchiligida Toshkentda 12-apreldan yig‘inga kirishgan terma jamoaga O‘FA tomonidan barcha sharoitlar yaratib berildi. Jumladan, terma jamoasi a’zolari uchun tashkilot tomonidan sport ekipirovkalari taqdim etildi.
Janubiy Koreya vizasi bilan bog‘liq masalalar hal qilingan holda, Toshkent—Seul—Changvun yo‘nalishi bo‘ylab aviachiptalar xarid qilindi. Terma jamoa a’zolari “Chig‘atoy” sport bazasida yashab, “Bunyodkor” stadionida ikki mahal mashg‘ulot olib bordi, deyiladi xabarda.
4-Osiyo chempionatiga yo‘l olgan O‘zbekiston terma jamoasi a’zolari ro‘yxati:
- Hakim Ahmedov
- Temirmalik Tursunov
- Mirazamat Obidov
- Rustambek G‘oipov
- Jaloliddin Sobitbekov
- Jaloliddin Qarshiyev
- Rustam Berdiyev
- Suhbatjon Hasanboyev
- Diyor Murodov
- Mirzabek Ikramov
- Saidbek Yoqubjonov
- Bahrom Sadiuaxxasov
- Nuriddin Boyto‘rayev
- Faig Mamedov
- Akmal Abdulakimov
- Anvar Abdurahmonov
- Mirkamol Agzamov
- Murodjon Ahmedov (O‘ynovchi murabbiy)
Izoh (0)