1 май куни Самарқандга Россиянинг Нижневартовскидан жўнаган «Победа» раритет автомобиллари автокарвони Ўзбекистонга етиб келади, деб хабар беради «Зарафшон» газетаси.
23 апрель куни «Нижневартовск—Самарқанд» йўналиши бўйича ҳаракатланаётган «Победа — одна на всех» («Ғалаба — барча учун битта») автокарвони Остонага етиб келган.
«Победа» русумидаги бешта автомобиль 17 апрелда Самарқанд томон йўл олган. Улар 1 майда қадимий шаҳарга етиб келиши кутилмоқда. Ушбу тадбир Россиянинг Ханти-Мансийск автоном округи Думаси қошидаги Ёшлар парламенти томонидан ташкиллаштирилган. Машиналар Россия, Қозоғистон, Қирғизистон ҳамда Ўзбекистон шаҳарларидан ўтади.
Автокарвон, шунингдек, Тошкентда ҳам бўлади. Самарқандга етиб келгач, автомобилчилар яна Нижневартовскка қайтади.
Изоҳ (0)