Тошкент шаҳар, Бектемир туман ИИБга 18 апрель куни йирик миқдордаги фирибгарлик ҳолати юзасидан мурожаат келиб тушди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Мурожаатчи Р.Шариповнинг айтишича, 2015 йил октябр ойида таниши, Тошкент вилояти, Чиноз тумани, Олмазор қўрғонида яшовчи, 1987 йилда туғилган Баҳодир Каримов «Қўйлиқ» улгуржи бозорида ундан умумий қиймати 101 миллион сўмлик турли хилдаги цитрус меваларини олиб кетганини маълум қилди.
У пулларни 2016 йил 8 февраль кунигача беришни ваъда қилади. Бироқ ваъдасини бажармай, ҳозиргача яшириниб юрибди.
Б.Каримовни ушлаш чоралари кўрилди.
Изоҳ (0)