Афғонистон шимоли-ғарбида «Толибон» радикал ҳаракати жангарилари уюштирган ҳужум оқибатида камида ўн киши ҳалок бўлди, деб хабар беради «ТАСС».
Қайд этилишича, жангарилар Бадгис провинциясида иккита ҳужумни амалга оширган. Биринчи ҳужум оқибатида сайловчиларни рўйхатга олиш марказларидан бирини қўриқлаётган етти нафар ҳарбий хизматчи ҳалок бўлди. Ҳукуматга тегишли назорат-ўтказиш пунктида юз берган ҳужумда яна уч нафар ҳарбий ҳалок бўлди.
Аввалроқ, Афғонистон президенти Ашраф Ғани маҳаллий парламент сайловларида иштирок этиш учун фуқароларни рўйхатга олиш бошланганини маълум қилиб, толибларни жорий йилнинг октябрь ойида ўтказиладиган сайловда иштирок этишга чорлаган эди. Бироқ радикал гуруҳ ҳукумат таклифини инкор этди.
Изоҳ (0)