Қозоғистон сенати ялпи мажлисида депутат Владимир Волков Олмаота вилоятидаги Олмаота—Тошкент трассасида юзага келган вазиятни тартибга солиш ҳақидаги депутатлар сўровини эълон қилди, деб ёзади Tengrinews.
Унинг сўзларига кўра, сўров «Олмаота—Тошкент трассасидаги блокпостни ўз назорати остига олиб, ташувчилардан тўлов талаб қилаётган шахсларнинг ноқонуний хатти-ҳаракатларига боғлиқ».
ОАВда эълон қилинган мақолага мувофиқ, Олмаота вилояти Қорасарой тумани Каскелен шаҳридаги Ушконир автостанцияси яқинида хусусий компания томонидан яратилган ҳамда халқаро ва республика аҳамиятига эга бўлган хусусий пост фаолият юритади. У ерда рейсли автобуслар ҳам, якка тадбиркорларга тегишли автобуслар ҳам тўхтатиб қолинади.
Депутат ушбу ҳолатга ҳуқуқий баҳо берилишини ва зарур бўлса, тегишли чоралар кўрилишини сўради.
Изоҳ (0)