Россия президенти Владимир Путин маълум ҳаракатларга, хусусан, интернетдан фойдаланишга тақиқ қўйиш кўринишидаги янги чеклаш чорасини амалга киритиш ҳақидаги қонунни имзолади. Бу ҳақда «Корреспондент.net» хабар берди.
Таъкидланишича, бундай чорани суд қарорига асосан гумонланувчи ва айбланувчиларга нисбатан қўллаш мумкин.
Суд қарорига асосан автомобиль бошқариш, телефон қўнғироқларини амалга ошириш каби кўрсатилган тақиқлар якка ҳолатда ёки биргаликда қўлланилиши мумкин.
Тақиқларни қўллаш эҳтимоли гаров ёки уй қамоғи каби чоралар белгиланганда ҳам юзага келади.
Таъкидланишича, тақиқ қўлланилган киши аввалгидек телефондан фавқулодда хизматларга қўнғироқ қилиш учун, шунингдек, терговчи билан мулоқот учун фойдаланиши мумкин. Бироқ суд барча қўнғироқлар ҳақида хабар беришга мажбурлаши мумкин.
Тақиққа амал қилиш юзасидан назоратни электрон браслет ёки бошқа воситалар ёрдамида Жазони ижро этиш федерал хизмати амалга оширади. Чеклов муддати жиноятнинг оғирлигига қараб, 12 ойдан 36 ойгача бўлади.
Изоҳ (0)