Тожикистон президенти Эмомали Раҳмон Ўзбекистонга куз фасли бошида расмий ташриф билан келади. Бу ҳақда Sputnik хабар бермоқда.
Қайд этилишича, Эмомали Раҳмоннинг ташрифи давомида Тожикистон ва Ўзбекистон ўртасидаги баҳсли чегара участкаси бўйича ҳал этилмай қолган масала ўз ечимини топади.
«Тожикистоннинг Сўғд ва Ўзбекистоннинг Сирдарё вилоятлари туташган чегарадаги мазкур участка бўйича Эмомали Раҳмоннинг куз фасли бошида Ўзбекистонга кутилаётган ташрифи давомида расман келишиб олинади», — дейилади хабарда.
Тожикистон ҳукуматидаги манбанинг аниқлик киритишича, мазкур чегара участкасида ҳеч қандай иншоот ёки аҳоли пункти мавжуд эмас, у ердан чиқиндихона сифатида фойдаланилади.
Изоҳ (0)