МДҲга аъзо мамлакатларнинг Мудофаа вазирлари кенгаши ҳузуридаги ҳаво ҳужумидан мудофаа масалалари бўйича мувофиқлаштирувчи қўмита мажлиси қатнашчилари Тошкент вилоятида жойлашган ҲҲМ қўшинларига қарашли ҳарбий қисмлардан бирида бўлиб, «Ўзбекистон Республикаси ҳаво сарҳадларида давлат чегаралари бузилганда зенит ракета дивизиони шахсий таркибининг ҳаракатлари» мавзусидаги ўқув-услубий йиғинда иштирок этди. Бу ҳақда Мудофаа вазирлиги матбуот хизмати «Дарё»га хабар берди.
Унда ҲҲМ қўшинлари ва ҳарбий ҳаво кучларини энг юқори жанговар шайлик даражасига келтириш, ҲҲМ қўшинлари ва ҳарбий ҳаво кучлари қўшилма ва бўлинмалар бошқарув пункти жанговар навбатчи расчётларининг давлат чегаралари бузувчилари – самолётларга қарши ишлаши, ҲҲМ воситалари билан шартли душманнинг яксон этилиши каби ўқув машқлари бажарилди.
Ташриф дастури доирасида мувофиқлаштирувчи қўмита аъзолари пойтахтдаги Мустақиллик майдонига ташриф буюрди. «Мотамсаро она» ҳайкали пойига гулчамбарлар қўйилди. Шунингдек, улар Қуролли Кучлар академиясида бўлиб ҳарбий кадрлар тайёрлаш тизими, тингловчи ва курсантларнинг таълим жараёни, яратилган шароитлар, ўқув-моддий база ҳамда таълим муассасаси музейи билан танишди.
МДҲга аъзо мамлакатларнинг Мудофаа вазирлари кенгаши ҳузуридаги ҳаво ҳужумидан мудофаа масалалари бўйича мувофиқлаштирувчи қўмитанинг Ўзбекистонда илк бор ўтказган мажлиси иштирокчиларнинг таъкидлашича, юқори савияда ўтди. У ишчан ва конструктив тарзда кечди. Бундай ёндашув эса албатта, ўзининг ижобий натижаларини беради.
Изоҳ (0)