Жиззах вилоятининг Зафаробод туманида истиқомат қилувчи Сардор Юнусов (исм-шарифлар шартли) уйининг ҳужжатларни расмийлаштириш учун «Ермулккадастр» давлат корхонасининг туман филиалига борди. Боришга борди-ю, аммо иши битмаётгандай туюлаверди, дея хабар беради ЎзА.
Буни қарангки, ўша пайт бу ишни бир зумда ҳал қилиб берадиган одам ҳам топилди. Филиалнинг ишлаб чиқариш бўлими бошлиғи Қобил Абдураҳимов расмий тўловлардан ташқари «қўл ҳақи» учун 300 минг сўм беришини талаб қилди.
Сардор Юнусов ундан имкониятларини чамалаш ва ўйлаб кўриш учун вақт сўради. У ўйлаб кўрди. Ноқонуний талаб юзасидан туман ички ишлар бўлимига ариза ёзди.
Зафаробод тумани ҳокимлиги рўпарасида пора олаётган Қобил Абдураҳимов Жиззах вилояти ИИБ жиноят қидирув бўлимининг коррупция ва иқтисодий жиноятларга қарши курашиш бўлими томонидан жиноят устида қўлга олинди.
Мазкур ҳолат юзасидан суриштирув ишлари олиб борилмоқда.
Изоҳ (0)