Президент Дональд Трамп 2020 йилнинг ноябрида давлат раҳбарини қайта сайлаш бўйича кампанияга аллақачон 28 миллион доллардан ортиқ маблағ тўплади. Бу ҳақда 15 апрель куни сайлов фондига маблағ тўплаш бўйича президент қўмитасининг вакиллари маълум қилди, деб ёзади «ТАСС».
Тарқатилган баёнотда таъкидланишича, жорий йилнинг биринчи кварталида фондга жами 10 миллион доллар суммага тенг хайрия маблағлари келиб тушган. Бундан ташқари, ўтган йил якунларига кўра, қўмита ҳисобларида 22 миллион доллар қолган. Бироқ айни шу кварталда турли харажатлар 3,9 миллион долларни ташкил этган.
Трамп 2017 йилнинг 20 январида президентлик лавозимини бажаришга киришган куннинг ўзидаёқ Федерал сайлов комиссиясига қайта сайланиш учун ҳужжатлар топширган. Таҳлилчиларнинг таъкидлашича, унгача ҳали ҳеч ким бундай йўл тутмаган.
Изоҳ (0)