Samsung хатолик туфайли ходимларига 105 млрд долларлик акцияларини тарқатиб юборди

Samsung Securities тасодифан ходимларига компаниянинг 105 миллиард долларлик акцияларини тарқатиб юборди, деб хабар беради «VC.ru».

Компания 6 апрель куни 2018 нафар ходимга бир акция учун минг вондан (0,94 $) дивиденд беришни режалаштирган эди.

Бироқ Samsung Securities’нинг ишчиларидан бири адашиб кетди ҳамда ходимлар минг воннинг ўрнига мингтадан акция олди.

Компания ҳаммаси бўлиб 111,8 триллион вон (104,8 миллиадр доллар) қийматидаги 2,8 миллиард дона акция чиқарган. Ушбу акциялар компаниянинг ҳозирда мавжуд бўлган акцияларидан 30 баробар кўпроқ деганидир.

Акцияларни қабул қилган 16 нафар ходим уларни олганидан бир неча дақиқа ўтганидан сўнг, 5 миллионга яқин қимматбаҳо қоғозларни 186,9 миллион долларга сотган.

Samsung компанияси эса чиқарилган акцияларни ходимлар томонидан сотилишини блоклашига 37 дақиқа талаб этилган.

Ҳозирги вақтда хатоликка йўл қўйган ишчи ва 16 нафар «акция эгаси» ишдан четлатилган.