Наманган вилоятининг Тўрақўрғон тумани билан Туркиянинг Бурса вилоятидаги Усмонғозий тумани ўртасида биродарлашув бўйича ўзаро келишув имзоланди. Бу ҳақда «Vodiymedia.uz» хабар бермоқда.
Келишувга Тўрақўрғон тумани ҳокими Ғуломжон Муродхўжаев ва Усмонғозий маъмурияти раиси Мустафа Дюндар имзо чекди.
Ғозий Усмонни хотирлаш ҳамда Бурсанинг фатҳ этилишини қутлаш тадбирларида иштирок этиш учун Туркияга борган Тўрақўрғон тумани делегацияси бу ерда Қозоғистон, Косово, Македония, Босния ва Герцеговина, Греция ва Шимолий Кипрдан келган вакиллар қатори ҳурмат ва эҳтиром билан кутиб олинди.
«Бугунги келишувдан кейин Усмонғозий билан биродарлашган шаҳарлар сони 26 тага етди. Мамлакатларимиз ҳамда Усмонғозий ва Тўрақўрғон ўртасидаги муносабатлар бутун дунёга намуна бўлса бўладиган даражада давом этишини тилаб қоламан», — деди туман маъмурияти раиси Мустафа Дюндар.
Изоҳ (0)