Ўзбекистон ва Тожикистон стратегик ҳамкорлик ҳақидаги битимни тайёрламоқда. Бу ҳақда Тожикистон парламенти қуйи палатаси спикери Шукуржон Зуҳуров 12 апрель, жума куни Санкт-Петербургда журналистларга маълум қилди, дея хабар беради Sputnik.
«Ҳозир Тожикистон ва Ўзбекистон ўртасида стратегик ҳамкорлик тўғрисида битим тайёрланмоқда», — деб таъкидлади у.
Зуҳуров ушбу ҳужжат Эмомали Раҳмоннинг Тошкентга ташрифи давомида имзоланиши мумкинлигини билдирди.
«Биз қўшни бўлган давлатлармиз, қўшнилар танланмайди. Ўзбекистон билан ҳар доим яхши муносабатларга эга бўлишни истаганмиз. Афсуски, охирги ўн йилликда бу амалга оширилмади», — деди Тожикистон парламент вакили.
Зуҳуров икки давлат ўртасида алоқалар сўнги бир ярим йил ичида, хусусан, икки давлат раҳбарларининг мунтазам учрашувлари натижасида яхшиланаётганлигини таъкидлаб ўтди.
Изоҳ (0)