Россия мудофаа вазирлигининг баёнотига кўра, АҚШ, Буюк Британия ва Франция Суриядаги ҳарбий ва фуқаролик инфратузилма объектларига зарба берган. Бу ҳақда Meduza хабар қилмоқда.
Россия Мудофаа вазирлиги маълумотларига кўра, ҳужум Сурия вақти билан 3:42 дан 5:10 гача (Тошкент вақти билан 5:42 дан 7:10 гача) бўлган оралиқда амалга оширилган. Операцияда самолётлар ва кемалар иштирок этган. Россия армиясининг Суриядаги ҳаво ҳужумидан ҳимоя воситалари ҳужумни қайтариш учун ҳаракатга келтирилмаган.
«АҚШ ва унинг иттифоқчилари томонидан учирилган бирорта ҳам қанотли ракета Россия ҳаво ҳужумидан ҳимоя бўлинмаларининг таъсир доирасидан ўтмаган», — дейилади Россия мудофаа вазирлиги хабарида.
Аввалроқ Россия элчихонаси АҚШни Путинни ҳақорат қилганликда айблагани ҳақида хабар берилган эди.
Изоҳ (0)