АҚШ президенти Дональд Трамп Сурияга зарба беришни буюрди. Бу ҳақда Euronews маълум қилди.
Суриядаги операция АҚШ, Франция ва Буюк Британия ҳарбийлари иштирокида амалга оширилмоқда.
«Франция ва Буюк Британия қуролли кучлари билан ҳамкорликдаги операция бошланди. Биз бунинг учун уларга миннатдорлик билдирамиз», — деди Трамп телевидение орқали миллатга мурожаатида.
Оқ уй раҳбари мазкур операция фақат Сурия ҳукумат кучлари кимёвий қуролни қўллашни тўхтатганда якунланишини билдирди.
Reuters агентлиги Дамашқда портлашлар эшитилаётгани, шаҳардан тутун кўтарилаётганини маълум қилди.
АҚШ Дума шаҳрида кимёвий ҳужум амалга оширилганига оид хабарлар пайдо бўлганидан бир ҳафта ўтиб Сурияга зарба бериш ҳақида қарор қабул қилди.
Изоҳ (0)