Рус гуманитар миссияси 13 апрель куни Ўзбекистонда ноёб тиббий лойиҳани амалга оширишни бошлайди, деб хабар бермоқда Sputnik.
«Саломатликни текшириш бўйича рақамли тест» лойиҳаси Тошкент вилояти Зангиота туманидаги 16-сонли оилавий поликлиникасида амалга оширилади. Ушбу ташаббус доирасида поликлиникада махсус жиҳоз ўрнатилади. Унинг ёрдамида одамлар мустақил тарзда ўз соғликларини кузатиб бориши мумкин.
Очилиш маросимида бу ноёб жиҳозни ишлаб чиқарган тиббиёт фанлар номзоди Владимир Савостьянов иштирок этиб, тиббиёт ходимларга мастер-класс ўтказади.
Агарда ушбу жиҳоз ярим йил давомида муваффақиятли синовдан ўтса, республиканинг бошқа тиббий муассасаларида ҳам ўрнатилади.
Қайд этилишича, бу поликлиникада Рус гуманитар миссиясининг биринчи лойиҳаси эмас. Ундан аввал бу ерда қуёшли батареялар ўрнатилганди. Шундан сўнг бу ерда қўшимча энергия манбаси пайдо бўлди. Қимматбаҳо тиббий жизоҳлар доимий электр энергия билан таъминланди.
Миссиянинг бошқа лойиҳалари — Россия музейларида мавжуд бўлган Ўзбекистон маданий бойликларини кўргазмасини ўтказишни ташкил қилиш режалаштирилган. Ҳозирги вақтда Россия Маданият вазирлиги билан келишув жараёни кетмоқда.
Изоҳ (0)