1986 йилда атом энергетикаси тарихида энг йирик авариялардан бири рўй берган Чернобиль АЭС сайёҳлар ташрифи учун очилди. Бу ҳақда «ТАСС» хабар бермоқда.
АЭС матбуот хизматига кўра, сайёҳлар нафақат станциянинг асосий объэктлари жойлашган саноат майдони, балки олдин ёпиқ бўлган ички хоналар, жумладан, учинчи энергоблокни бошқариш залларини кўриш мумкин бўлади.
Ташрифга буюртмалар АЭС расмий сайтида қабул қилинмоқда. Базавий пакет 2,7 минг гривна (100 доллар атрофида) туради. Бу қийматга инструктаж, ҳамроҳлик қилувчи шахс хизматлари, станция ошхонасида овқатланиш ва индивидуал ҳимоя воситалари киради. 18 ёшдан кичик сайёҳлар қабул қилинмайди.
Станцияга ташрифдан сўнг сайёҳлар мажбурий дозиметрия назоратидан ўтади ва уларга олган дозалари ҳақида маълумотнома берилади.
АЭС раҳбарияти келгусида станцияга ташриф ҳудуди кенгайтирилиши ва бу ерда бўлиш вақти 2-3 кунгача узайтирилишини истисно этмади.
Изоҳ (0)