Супер оғир вазн тоифасининг WBA Super, WBO, IBF ва IBO чемпионлик камарлари соҳиби Энтони Жошуа келажакдаги режалари ҳақида тўхталди. Жошуа яқин орада Александр Поветкин билан жанг қилишни хоҳламаслигини айтди, деб ёзади «Sports.ru»
Ҳозир мени Поветкин қизиқтирмайди, Уайлдер билан жанг қилишни хоҳлайман. Бошқа тарафдан эса камаримни олиб қўйишларини хоҳламайман. Поветкин билан камар ҳимояси учун жанг 2018 йилнинг иккинчи ярмига кўчирилади, деб умид қиламан. Ҳеч қандай шубҳага ўрин йўқ. Уайлдер билан жанг қилишни истайман. Деонтей мени ундан қочяпти, деб нолиди. Аммо мен доимо энг яқин жангдаги рақибимга эътиборимни жалб қиламан. Энди каминанинг бутун диққат-эътибори Уайлдерга қаратилган. Унинг жамоасига энг яхши жанг шартларини таклиф қиламиз. Шаксиз, улар буни қабул қилади.Ўтган ҳафтада WBA Энтони Жошуанинг Александр Поветкинга қарши камар ҳимояси учун жанг қилишга мажбур эканлиги ҳақида маълум қилди. Ва томонларга жанг музокараси учун 30 кун муддат берди.Энтони Жошуа, боксчи
Жошуанинг Поветкинга қарши ўтказиши керак бўлган жанги WBA Super, IBO (Жошуанинг 3-ҳимоя жанги), IBF (Жошуанинг 6-ҳимоя жанги), WBO (Жошуанинг 1-ҳимоя жанги) камарларининг ҳимояси учун бўлиб ўтиши лозим. Айни вақтда Александр Поветкин WBA Super камари учун Энтони Жошуага мажбурий даъвогар бўлиб турибди.
Маълумот учун 1 апрелга ўтар кечаси Уэльс маркази Кардифф шаҳридаги Principality Stadium аренасида WBA Super, IBO ва IBF камарларини бирлаштирувчи жанг ўтказилганди. Унда мазкур камарлар соҳиби Энтони Жошуа WBO камари эгаси, янги зеландиялик Жозеф Паркерни (24 та ғалаба, 18 та нокаут) мағлуб этганди. Эндиликда 21 жангда 21 ғалаба қайд этган (20 таси нокаут билан) Жошуа олмаган бир камар — WBC (Бутунжаҳон бокс кенгаши) камари қолди. Ҳозирда мазкур камар америкалик Деонтей Уайлдерга тегишли.
Изоҳ (0)