«Ўзавтосаноат» АК тирик балиқ ташийдиган транспорт ишлаб чиқаришни бошлайди. Бу Президентнинг «Балиқчилик тармоғини жадал ривожлантиришга доир қўшимча чора-тадбирлар тўғрисида»ги қарорида кўзда тутилган, дея хабар беради Spot.
Қарорга мувофиқ, Ўзбекистонда узоқ масофага тирик балиқ ташиш учун изотермик контейнер билан жиҳозланган замонавий транспорт ишлаб чиқариш йўлга қўйилади.
Ишлаб чиқариш «Ўзавтосаноат»га қарашли корхоналар базасида 2019 йил 1 мартга қадар бошланади. Унга 10 тоннали MAN ва 5 тоннали Isuzu асос қилиб олинади.
Лойиҳа «Ўзавтосаноат» АК маблағлари ҳисобига амалга оширилади. Унинг аниқ суммаси маълум қилинмади.
Изоҳ (0)