Ижтимоий тармоқларда Тошкентда BMW X6 автомобили ҳайдовчиси машинасига махсус қурилмалар ўрнатганлиги ҳақида видеолавҳа тарқалганди. Бу ҳақда шаҳар ИИББ ЙҲХБ хабар бермоқда.
Кўрилган чоралар натижасида мазкур транспорт воситаси ҳайдовчиси, 1985 йилда туғилган Ф.Ж. пойтахтнинг Уйғур кўчасида тўхтатилиб текширилганда, тегишли рухсат олмай машинасига товуш чиқарувчи ва ёритувчи махсус қурилмаларни ўрнатиб ҳаракатлангани аниқланди.
Ҳайдовчига нисбатан Маъмурий жавобгарлик тўғрисидаги кодекснинг 127-моддаси 2-қисмига асосан маъмурий баённома расмийлаштирилди.