«Қозоғистон гўзали» танлови ғолиби эълон қилингач, қозоғистонликлар икки гуруҳга ажралиб, ижтимоий тармоқларда турли фикрларни билдира бошлади, деб ёзади «Nur.kz». Кимлардир 2018 йилги танлов натижасидан мамнун қолди, бошқалар буни танқид остига олди.
Аммо 2018 йилги Қозоғистон гўзали — атираулик 16 ёшли Алфия Ерсайин танқидлар унинг ўзига бўлган ишончини синдира олмаганини айтди.
«Салбий фикрлардан кўп ҳам хафа бўлганим йўқ. Танловда қатнашаётиб, мақтов қанчалик кўп бўлса, танқидлар ҳам шунга яраша бўлишини билганман. Халқ танқиди ҳозир мен учун синов деб ҳисоблайман, у туфайли мен чиниқишим ва матонатли бўлишим мумкин», — деди Алфия Ерсайин.
Изоҳ (0)