6 апрель куни Тошкент шаҳри Мирзо Улуғбек туманидан ўтувчи йўлнинг ўрта қисмига ўрнатилган темир панжараларни олиб ташлаш ишлари бошланди, деб хабар берди «Газета.uz».
Бунга қадар шу турдаги панжаралар Мустақиллик, Шота Руставели, Шаҳрисабз ва Навоий (қисман) каби марказий кўчалардан ҳам олиб ташланганди.
Мирзо Улуғбек кўчасидаги панжаларалар 2015 йилда, Тошкентда Шанхай ҳамкорлик ташкилоти саммитининг ўтказилишига кўрилган тайёргарлик вақтида ўрнатилган эди.
2017 йилнинг баҳорида ҳукумат йўлларга ўрнатилган бу турдаги ажратиб турувчи тўсиқлар йўловчи ва ҳайдовчиларга хавф туғдириши мумкинлигини инобатга олиб, уларни олиб ташлаш бўйича кўрсатмалар берган.
Изоҳ (0)