«Тошкент-Шарқий» аэродроми ва «Тошкент механика заводи» (собиқ ТAПОиЧ) ҳудудининг бир қисми «Ўзбекистон темир йўллари»га берилди. Бу Президентнинг 2018 йил 3 январдаги қарори ва Вазирлар Маҳкамасининг 2018 йил 30 мартдаги қарорида кўзда тутилган, деб ёзади Spot.
Ушбу ҳужжатларга мувофиқ, «Ўзбекистон темир йўллари» аэродромнинг ўзига (бунгача у Мудофаа вазирлиги тасарруфида бўлган), яқинда жойлашган 94 ва 122-ҳарбий шаҳарчаларнинг бир қисмига, шунингдек, «Тошкент механика заводи»нинг бир неча бино ва иншоотларига эга бўлди.
Компания бошқа идоралар билан биргаликда бўлғуси аэропортнинг таркибига кирадиган ушбу объектлар ҳудуди, бинолар ва иншоотларини аниқлади. Хабар қилинишича, аэрокомплекс қурилиши бошланган.
Лойиҳа доирасига киритилмаган аэродром ва ҳарбий шаҳарчалар ҳудуди Тошкент вилояти ҳокимликларига берилди.
Изоҳ (0)