Alibaba Group интернет корпорацияси Хитойнинг таом етказиш сервиси ele.ме’ни харид қилиши ҳақида маълум қилди. Бу ҳақда корпорация баёнотига таяниб, Reuters хабар берди, деб ёзади «РБК».
Бутун пакетни харид қилиш ҳақидаги эълонга қадар Alibaba Group ва унинг компанияси Ant Small & Micro Financial Services Groupele.ме’нинг 43 фоиз акциялари эгаси эди. Бутун сервиснинг тўлиқ қиймати 9,5 миллиард долларга баҳоланмоқда.
Хариддан сўнг elе.mе ўз бренди остида ишлайди, бироқ Alibaba Group томонидан асос солинган Koubei компаниясининг баъзи функцияларини бирлаштиради.
Alibaba Group’нинг вице-президенти Ван Лэй elе.mе’нинг ижрочи директорига айланади. Таом етказиш сервисининг асосчиси Чжан Шухао компания бошқарув раиси ва Alibaba Group’да махсус маслаҳатчи лавозимларини эгаллайди.
Изоҳ (0)