Хитойлик бизнесмен, ичимлик ва озиқ-овқат маҳсулотларини ишлаб чиқарувчи компания асосчиси Чэнь Шэн беш йил аввал Гуандун провинциясидаги она қишлоғининг ҳар бир аҳолисига биттадан ҳашаматли уй қуриб беришга қарор қилди. Аммо бу совға унинг умидларини оқламади, деб ёзади Tengrinews.
Гуаньху қишлоғида магнат ҳар бирининг майдони 280 квадрат метрга тенг 258 та уй қурди. Уларнинг ҳар бирида гараж ва кичик боғ бор. Бундан ташқари, тадбиркор қишлоқда баскетбол майдонлари, бадминтон кортлари, опера саҳнаси, янги кўприк барпо этди. Буларнинг ҳаммаси учун у 32 миллион доллар хайрия қилди.
Маҳаллий ОАВларга берган интервьюсида миллионер қишлоқда йирик чўчқа фермасини қуриб, 100 дан ортиқ иш ўрнини яратишга ваъда берганди.
Аммо қурилиш ишлари ўтган йил охирида якунланган бўлишига қарамай, қишлоқ аҳолисининг очкўзлиги ва яхшиликни билмаслиги сабабли, уйлар бўш ётибди. Гап шундаки, магнат 2013 йилдаги аҳолини рўйхатга олиш маълумотларига таяниб қурилиш олиб борган эди, унда қишлоқда 190 та хўжалик борлиги айтилганди. Бизнесмен 68 тага кўпроқ уй қуришга қарор қилди. Бироқ шу ҳам камлик қилди. Қишлоқнинг тобора кўпроқ аҳолиси уйларга даъвогарлик қила бошлади. Баъзилар эса уларнинг оиласи учун битта уй етмаслигини айтди.
Қишлоқ аҳолисининг олижанобликка жавоби саховатпеша тадбиркорнинг ҳафсаласини пир қилди. Икки йилдирки, Чэнь Шэн Гуаньхуга келмай қўйди.
Изоҳ (0)