Хитойнинг Ганьсу провинциясида эркак мобил телефон батареясини алмаштирмоқчи бўлганида ускуна унинг юзидан бир неча сантиметр нарида портлаб кетди. Кузатув камералари видеоси интернетда эълон қилинди, деб ёзади «РИА Новости».
Дўкон эгасининг сўзларига қараганда, мижоз ундан махсус қисқич олиб, телефонни очмоқчи бўлган.
Эркак бир муддат олдин интернетда арзон батарея сотиб олган эди. Видеодан маълум бўлишича, у мазкур батареяни эскисининг ўрнига қўймоқчи бўлаётганида батарея ёниб кетган.
Воқеа рўй берган пайтда барча мижозлар дўкондан қочиб чиққан.
Эркакка зиён етмади.
Эслатиб ўтамиз, бир муддат илгари Ҳиндистонда 18 ёшли қиз смартфони портлаб кетиши оқибатида ҳалок бўлгани хабар қилинган эди.
Изоҳ (0)