Тожикистон парламентининг қуйи палатаси 19 март куни «Фуқароларнинг ўзаро борди-келдиси тўғрисида»ги битимни ратификация қилди. Унга кўра, Тожикистон ва Ўзбекистон фуқаролари виза расмийлаштирмасдан қўшни мамлакат ҳудудида 30 кунгача бўлиши мумкин, дея хабар беради ЎзА.
Келишувни парламентга ташқи ишлар вазирининг биринчи ўринбосари Низомиддин Зоҳидий тақдим қилди. Парламент депутати Аҳмаджон Собиров келишувни «тарихий ҳужжат» дея баҳолади.
Бундан аввал парламент қуйи палатаси матбуот хизмати мазкур битим фуқароларнинг ҳар икки мамлакат ҳудудида вақтинча бўлиши, визасиз ва ташкилотларнинг хизмат сафарлари билан боғлиқ масалаларни мувофиқлаштиришини билдирганди.
Эслатиб ўтамиз, олдинроқ Пезидент Шавкат Мирзиёевнинг тегишли қарори билан Тожикистон фуқаролари 16 мартдан бошлаб Ўзбекистон ҳудудида 30 кун давомида амалдаги сафар ҳужжатлари асосида визасиз сафар қилишига имкон берувчи ҳукуматлараро келишув тасдиқланганди.
Изоҳ (0)