АҚШ президенти Дональд Трампнинг қизи ва куёви бўлган вертолёт двигателлардан бири панд бергани туфайли Вашингтондаги аэропортга қайтишга мажбур бўлди. Бу ҳақда «Известия» хабар бермоқда.
CNN телекомпаниясига кўра, ҳодиса бир неча кун аввал рўй берган, бироқ бу ҳақда ОАВга энди маълум бўлди.
АҚШ президенти маслаҳатчилари лавозимини эгаллаб турган Иванка Трамп ва унинг турмуш ўртоғи Жаред Кушнер Вашингтондан Нью-Йоркка йўл олганди, бироқ парвоздан кўп ўтмай вертолёт двигателларидан бири ишдан чиқди.
Учувчи зудлик билан пойтахтдаги Роналд Рейган номли аэропортга қайтишга қарор қилди.
Ҳаво кемаси муваффақиятли қўнди, двигателнинг носозлиги сабаби ошкор этилмади.
Изоҳ (0)