Миссисипи штатида (АҚШ) тўққиз ёшли болакай видеоўйин сабабли юзага келган жанжал вақтида ўз опасини отиб қўйди. 13 ёшли Дижона Белл Мемфисдаги шифохонада вафот этган, деб хабар берди ABC News.
Полициячиларнинг сўзларига кўра, болалар ўртасидаги можаро қизалоқ ўз укасига ўйин жостигини беришни истамагани сабаб юзага келган. Натижада болакай пистолетни олиб, опасига қарата ўқ узган. Ўқ Дижонанинг миясини тешиб ўтган. Бу вақтда уларнинг онаси чақалоғини бошқа хонада эмизаётган бўлган.
Болакайнинг қўлига пистолет қандай қилиб тушиб қолгани ҳозирча номаълум. Округ шерифи Монро Сесил Кантреллнинг ҳисоблашича, 9 ёшли бола мазкур жиноятни телевидение ёки видеоўйинлар таъсирида амалга оширган бўлиши мумкин. Ҳуқуқ-тартибот ходимлари ҳозирча болакайга нисбатан қандай жазо чораси кўрилиши мумкинлигини билмайди.
Изоҳ (0)