АҚШ президенти Дональд Трамп россиялик ҳамкасби Владимир Путинни сайловдаги ғалабаси билан табрикламоқчи эмас. Унинг кун тартибида ушбу муносабат билан телефон қўнғироғи режалаштирилмаган. Бу ҳақда Reuters Оқ уй вакили Хоган Гидлига таяниб хабар бермоқда.
Унинг сўзларига кўра, Путиннинг олий мансабга қайта сайланиши Трамп маъмурияти учун кутилмаган воқеа бўлмаган.
«Биз Россия билан алоқаларни ривожлантириш устида ишлаймиз, Россия бизнинг манфаатларимизга таҳдид қиладиган бўлса, унга санкциялар киритамиз. Аммо биз ўз манфаатларимизга мувофиқ келган ҳолларда ҳамкорликда ишлаш учун имкониятлар ҳам қидирамиз», — деди Гидли.
Путин Россия президентлигига тўртинчи марта сайлангач, дунё етакчилари уни ғалаба билан табриклашни бошлади. Шу жумладан, Ўзбекистон Президенти Шавкат Мирзиёев Владимир Путинни президент сайловида эришган ишончли ғалабаси билан қутлаб, уни давлат ташрифи билан Ўзбекистонга келишга таклиф этди.
Изоҳ (0)