Россия президенти лавозимига собиқ номзод Ксения Собчак амалдаги давлат раҳбари ва сайлов ғолиби Владимир Путинга ўзи сиёсий маҳбуслар деб ҳисоблайдиган 16 кишининг рўйхатини берди. Бу ҳақда унинг ишончли вакили, сиёсий технолог Марина Литвинович маълум қилди, деб ёзади Meduza.
«Путин ушбу рўйхатни қараб чиқишга ваъда берди. Бироз умид бор», — деб ёзди Литвинович Facebook’да.
Литвиновичнинг сўзларига кўра, Путинга рўйхатни бериш ва ушбу одамларни «озод этишни талаб қилиш» — Собчакнинг у билан учрашувдан асосий мақсадлари бўлган.
Президентликка собиқ номзодлардан яна бири — Борис Титов, ўз навбатида, Путинга Россияда жиноий таъқибдан қочиб, Лондонга яширинган, аммо, унинг сўзларига кўра, қайтиб келишни истаётган тадбиркорлар рўйхатининг «тўлиқ версияси»ни берган.
Эслатиб ўтамиз, Владимир Путин 18 март куни бўлиб ўтган Россия президенти лавозимига сайловларда 76 фоиздан зиёд овоз тўплаб, ғолиб бўлди.
Изоҳ (0)