General Motors компанияси келгуси йилда Мичигандаги заводида Cruise AV ўзиюрар автомобилининг ишлаб чиқариладиган версиясини яратишга тайёргарлик доирасида икки ишлаб чиқариш объекти модернизациясига 100 миллион доллардан ортиқ инвестиция киритиши ҳақида маълум қилди, деб ёзади 3DNews.
Cruise робомобилида руль ғилдираги, тормоз педали ва акселератор педали бўлмайди.
General Motors январь ойида АҚШ трассаларида ҳаракатланиш хавфсизлиги миллий бошқармасига (NHTSA) рулсиз, педалларсиз ва бошқарув ричагларисиз тўлиқ автоном автомобиль чиқаришга рухсат сўраб мурожаат қилди.
NHTSA илтимосномани икки ойдан ортиқ муддат мобайнида кўриб чиқмоқда ва ҳозирча бу жараённи якунланган деб ҳисобламайди. Якуний қарор шу йил ёки 2019 йилда қабул қилиниши мумкин.
General Motors’нинг хабар беришича, унинг ижрочи директори Мэри Барра компаниянинг ўз-ўзини бошқарувчи автомобиль ишлаб чиқариш ҳақидаги режаларини муҳокама қилиш учун 13 март куни АҚШ транспорт вазири Элейн Чао билан учрашган.
Изоҳ (0)