Human Rights Watch халқаро ҳуқуқни муҳофаза қилиш ташкилоти делегацияси келаси ҳафта Ўзбекистонга ташриф буюради, деб ёзади «Подробно» парламент қуйи палатаси депутати, Инсон ҳуқуқлари бўйича миллий марказ директори Акмал Саидовга таяниб.
«Human Rights Watch’нинг Ўзбекистондаги ваколатхонасини тугатиш — Ўзбекистон Олий суди қарори. Шунга қарамай, ҳукуматимизнинг очиқлиги туфайли, ўтган йили уларнинг ташрифи ташкиллаштирилди. Мен улар билан учрашдим. Келаси ҳафта 21 март куни ушбу делегация яна бир марта келмоқда», — деди Акмал Саидов.
«Ушбу ташкилот ваколатхона фаолиятини қайта тиклаш ниятида. Аммо бу ерда ҳуқуқий зиддият бор. Уни ҳал қилиш устида Адлия вазирлиги ишламоқда. Аммо бу бизнинг конструктив мулоқотимиз, Human Rights Watch делегацияси учун визалар олиш ёки ушбу делегация учун ҳар қандай ҳудудда ҳар қандай киши учун учрашувлар ташкиллаштириш учун тўсиқ бўла олмайди», — дея у Human Rights Watch’нинг Ўзбекистондаги ваколатхонаси фаолиятининг қайта тикланиши билан боғлиқ вазиятни изоҳлади.
Изоҳ (0)