Самарқанд шаҳри ҳудудида бунёд этилаётган Samarkand City туристик зонасидаги қурилиш ишлари 2019 йил охиригача якунланади.
Буни Ўзбекистон Президенти Шавкат Мирзиёев Самарқанд вилоятининг Пастдарғом туманида бўлиб ўтаётган фаоллар йиғилишида таъкидлаб ўтган.
Президент матбуот котиби Комил Алламжоновнинг Шавкат Мирзиёев сўзларидан иқтибос келтиришича, 2018—2019 йилларда Самарқандда 25 та замонавий меҳмонхона қурилади, Afrosiyob Palace меҳмонхонаси эса капитал реконструкция қилинади.
Аввалроқ Самарқанд шаҳридаги собиқ «Альпомиш» («Қизил двигатель») заводи ҳудудида Samarkand City сайёҳлик зонаси бунёд этилиши ҳақида хабар берилган эди.
Изоҳ (0)