Олий Мажлис Сенатининг 14-ялпи мажлисини 29 март куни Тошкент шаҳрида чақирилади. Бу ҳақдаги қарор Сенат Кенгашининг 17 март куни бўлган мажлисида қабул қилинган.
Сенатнинг ялпи мажлиси кун тартибига «Давлат мукофотлари тўғрисида»ги (янги таҳрири), «Жамоатчилик назорати тўғрисида»ги, «Давлат харидлари тўғрисида»ги, «Ўзбекистон Республикаси Давлат хавфсизлик хизмати тўғрисида»ги, «Ўрмон тўғрисида»ги (янги таҳрири), «Ўзбекистон Республикаси уй-жой-коммунал хизмати соҳаси ходимлари кунини белгилаш тўғрисида»ги, «Суд-тергов фаолиятида фуқароларнинг ҳуқуқ ва эркинликлари кафолатларини кучайтириш бўйича чора-тадбирлар қабул қилинганлиги муносабати билан Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги, «Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида»ги қонунлар киритилмоқда.
Бундан ташқари, ялпи мажлисда сенаторлар халқаро ҳуқуқий ҳужжатларни ратификация қилиш тўғрисидаги бир қанча қонунларни ҳам кўриб чиқади.Шунингдек, Олий Мажлис Инсон ҳуқуқлари бўйича вакили (омбудсмани)нинг 2017 йилдаги фаолияти тўғрисидаги ҳисобот, адлия вазирининг 2017 йилда ҳуқуқий тарғибот ва маърифатнинг ҳолати ҳақидаги ахборотини тинглаш ҳамда тўй-ҳашамлар, оилавий тантаналар, маърака ва маросимлар ўтказилишини тартибга солиш тўғрисидаги масалани кўриб чиқиш ҳам режалаштирилган.
Изоҳ (0)