Ўзбекистоннинг соф олтин-валюта захиралари ҳажми 2018 йил 1 март ҳолатига кўра 26,9 миллиард долларни ташкил этди. Бу ҳақда Ўзбекистон Марказий банки матбуот хизмати маълум қилди.
Бу февраль ойи бошидаги кўрсаткич (27,2 миллиард доллар)га нисбатан 315 миллион долларга кам.
Ялпи олтин-валюта захиралари ҳажми 28,3 миллиард долларни ташкил этган бўлиб, шундан 14,7 миллиард доллар хорижий валютадаги активлар, 13,6 миллиарди эса монетар олтиндир.
Хорижий валютадаги активлар ҳажми бир ойда 60 миллион долларга камайган бўлса, монетар олтин миқдори 377 миллион долларга қисқарган.
Изоҳ (0)