Ўзбекистон Президент Шавкат Мирзиёев Самарқанд вилоятига ташрифи давомида иштихонлик деҳқон Тошқувват Ражабов хонадонида меҳмон бўлди. Президент матбуот хизматининг хабар беришича, хонадон эгаси билан мулоқот давомида Давлат раҳбари томорқалар тайёр ишчи жой эканини таъкидлаган.
Бир гапни ҳар доим айтаман: ҳеч ким четдан келиб бизга бир нарса қилиб бермайди. Боқимандалик, бефарқлик энг ёмон иллатлар. Дунёда ҳаракатсиз бой бўлган давлат ҳам, хонадон ҳам йўқ-ку! Биз ҳам фаровонликка фақат ўз меҳнатимиз, ўз ҳаракатимиз билан эришишимиз мумкин.Мана, масалан, Хитойда 8 сотих ери бор одам бадавлат ҳисобланади. Бизнинг қишлоқларимизда бундан ҳам катта томорқалар бор. Ундан самарали фойдаланилса, халқимиз бемалол бой яшаса бўлади. Биз одамларни иш билан таъминлаш, оилаларга даромад манбаи яратиш ҳақида ўйлаяпмиз. Томорқа — тайёр ишчи жой, тайёр даромад.
Шавкат Мирзиёев, Ўзбекистон Президенти
Мавзуга доир: Шавкат Мирзиёев иштихонлик деҳқон уйида меҳмон бўлди
Изоҳ (0)