Ташқи ишлар вазирлиги «Дарё» нашрининг «26 март куни Тошкент шаҳрида «Марказий Осиё + Афғонистон» шаклида вазирларнинг биринчи учрашуви бўлиб ўтиши ва бунга таклиф этилган мамлакатлар вакилларининг учрашувда иштироки даражаси ҳамда тадбир кун тартиби тўғрисида аниқлик кириш борасида берган саволига жавоб қайтарди.
«2018 йил 26 март куни Тошкент шаҳридаги учрашувда Қирғизистон, Қозоғистон, Тожикистон, Туркманистон ва Афғонистон ташқи ишлар вазирлари, шунингдек, мазкур шаклни қўллаб-қувватлаган БМТнинг Марказий Осиёда прeвентив дипломатия бўйича Минтақавий маркази (MOPDMM) ва БМТнинг Афғонистонга ёрдам миссияси (UNAMA) раҳбарлари иштирок этишлари кутилмоқда.
Вазирлар минтақада хавфсизликни таъминлаш, кўп томонлама сиёсий, савдо-иқтисодий, инвестицион, маданий-гуманитар алоқалар, минтақавий интеграция жараёни, трансмиллий транспорт коридорларини яратиш истиқболларини муҳокама қилишлари кутилмоқда.
Учрашув якунига кўра эришилган келишувлар, жумладан, турли даражалардаги давлатлараро алоқалар ва кейинги учрашувнинг ўтказиш санаси тўғрисидаги маълумотни ўз ичига оладиган Қўшма баённома қабул қилиниши режалаштирилган», — дейилади жавоб мактубида.
Изоҳ (0)