Ўзбекистон аҳолиси учун катта миқёсдаги Uzbekistan Connect ижтимоий видео-лойиҳа ишга туширилди. Ушбу видео-лойиҳада барча хоҳловчилар иштирок этиши мумкин.
Мақсад — бирлашган ҳолда бутун Ўзбекистон аҳолиси ҳаётининг бир парчасини кўрсатиш. Бир неча ҳафта давомида хоҳловчилар ўз видеоларини жўнатиши мумкин. Бундан сўнг энг яхши видеолар танлаб олиниб, умумий бир роликка бирлаштирилади.
«Ҳаётингизни исталган ёрқин парчасини кўрсатинг. Масалан, севимли ишга бораётганингизни, футбол ўйнаётганингизни, атрофдагиларга ёрдам бераётганингизни ёки кулаётганингизни. Бўлишмоқчи бўлган хоҳлаган нарсани суратга олишингиз мумкин. Ўзлигингизни йўқотиб қўйишдан қўрқманг ва чин ҳис-туйғуларингизни кўрсатинг», — дейилади лойиҳа ташкилотчилари мурожаатида.
Лойиҳани амалга ошириш мақсадида ягона UzbekistanConnected.uz (http://uzbekistanconnected.uz) сайти ишга туширилган. Юборилган барча роликлар ушбу сайтда жамланади ва ҳар бир иштирокчи исталган вақтда уларни томоша қилиши мумкин.
«Мутахассислар билан биргаликда барча шаҳарлардан келган энг яхши роликлар танланиб, умумий битта ролик ҳосил қилинади. Бу сиз учун миллионлаб одамлар томоша қиладиган кенг қўламли тарихий видео-лойиҳанинг иштирокчиси бўлишга катта имкониятдир.
Роликлар махсус Telegram-бот орқали қабул қилинади. Видеога бўлган асосий талаб, у горизонтал ҳолатда суратга олинган бўлиши керак. Лойиҳа минглаб ўзбекистонликларни ўз ҳаёти ҳақида гапириб бериши ва машҳур бўлишига жалб қилмоқда. Сиз ва дўстларингизда кенг қўламли лойиҳанинг бир қисми бўлиш учун ҳақиқий имконият бор», — дейилади хабарда .
Расмий сайт: http://uzbekistanconnected.uz
Видеони жўнатиш учун телеграм-бот: https://telegram.me/UzbekistanConnectedBot
Изоҳ (0)