Навоий вилоятининг Кармана туманида яшовчи Ш.Рўзибоева ва унинг шаръий турмуш ўртоғи Х.Салималиев (исм-шарифлар ўзгартирилган) гиёҳванд моддалар савдоси билан шуғуллангани учун жиноий жавобгарликка тортилди, деб хабар беради ЎзА.
Қайд этилишича, эр-хотин муқаддам айнан шу жиноятни содир этгани учун судланган ва озодликдан маҳрум этилган.
«Х.Салималиев дала ҳовлисида марихуана гиёҳвандлик моддасини етиштиради. У тайёр бўлганда умр йўлдоши билан ‘дори’ни пуллашни режалаштиради ҳамда ўз хонадонига олиб келади.
Бундан хабар топган қўни-қўшнилар жиноятнинг олдини олиш мақсадида тегишли идораларга хабар берди ва навбатдаги ‘операция’га чек қўйилди. Оғуфурушлар далилий ашёлар билан қўлга олинди», — дейилади хабарда.
Жиноят ишлари бўйича Навоий шаҳар судининг навбатдаги очиқ мажлисида ушбу иш юзасидан яна уч нафар айбдорга нисбатан ҳукм чиқаришга тўғри келди. Тергов жараёнида У.Имoмов, З.Муҳамедшин ва К.Каромов ҳам оғуфурушлар билан ҳамкорлик қилгани аниқланди. Улар марихуанани «мижоз»ларга етказишда воситачилик қилган.
Изоҳ (0)