Тошкент шаҳридаги «Чорсу» бозорида жойлашган тилла дўкони сотувчиларини чув тушириб кетишди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
Тошкент вилоятининг Янгийўл туманида яшовчи У. Раҳматуллаева жорий йил январь ойидан 16 февраль кунига қадар Тошкент шаҳрининг «Чорсу» бозорида жойлашган «Gold» дўконидан жами 41,5 миллион сўмлик заргарлик буюмларини олиб кетади.
Дўкон сотувчиларига уларни тезда сотиб беришини айтади, бироқ ваъда ваъдалигича қолади.
Мазкур ҳолат юзасидан У.Раҳматуллаевага нисбатан жиноят иши қўзғатилди.
Изоҳ (0)