«Толибон» ҳаракати Тошкент шаҳрида 26—27 март кунлари бўлиб ўтадиган Афғонистон бўйича халқаро конференцияга қизиқиш билдирди. Бу ҳақда АҚШ мудофаа вазири Жеймс Мэттисга таяниб, Reuters маълум қилди дея хабар беради «Халқ сўзи».
«Биз ‘Толибон’ томонидан қизиқиш борлиги ҳақида билдик. Бизда келишни бошлаган ёки музокараларга қизиқиш билдирган айрим унча катта бўлмаган гуруҳлар ҳақида маълумот мавжуд», — деди Мэттис Афғонистонга амалга оширган эълон қилинмаган ташрифи чоғида.
Эслатиб ўтамиз, олдинроқ Ўзбекистон ТИВ «Толибон» Афғонистон бўйича Тошкент конференциясида иштирок этиш юзасидан сўров бермаганини билдирганди.
Изоҳ (0)