Ишдан ҳайдалган Рекс Тиллерсон, Туркияда ушланиб, Ўзбекистонда суд қилинган жангари, Сергелидаги ташландиқ чақалоқлар ва куннинг бошқа муҳим хабарлари

13 мартнинг эътиборга молик янгиликлари — «Дарё»нинг кечки дайжестида.

1. Рекс Тиллерсон АҚШ давлат котиби лавозимидан бўшатилди. Куннинг энг кутилмаган янгилиги. Унинг ўрнига МРБ раҳбари тайинлайди. МРБнинг бўшаб қолган раҳбарлик курсисига эса илк бор аёл киши тайинланди.

2. 18—19 март кунлари Ўзбекистонда умумхалқ хайрия ҳашари ўтказилади. Хайрия ҳашаридан тушган маблағлар кам таъминланган, боқувчисини йўқотган оилаларга, ижтимоий ҳимояга муҳтож кексаларга, ногиронлиги бўлган шахсларга, ёлғиз қарияларга моддий ва маънавий ёрдам кўрсатиш каби тадбирларга сарфланиши назарда тутилмоқда.

3. Миллий хавфсизлик хизмати Россияда теракт уюштиришни режалаштирган ўзбекистонлик жангарини қўлга олди. Унинг исми Абдулбосид, у 1996 йили Марғилонда туғилган.

4. Сергелида ташлаб кетилган яна бир чақалоқ топилди. Бу 3 ой ичидаги учинчи ҳолат. Бунгача туманда январь ойида ва мартнинг бошида ҳам шундай ҳодисалар бўлганди.

5. Тошкентда ЙПХ ходими ўз фаолиятида биринчи бор чуқурча сабаб содир бўлган ЙТҲни расмийлаштирди. Ҳайдовчининг айтишича, у «Тезиковка» яқинида автомобилини 30—40 километр тезликда ҳайдаб кетаётиб йўлдаги чуқурчага тушиб кетган.