Аҳоли ва ҳудудларни фавқулодда вазиятлардан муҳофаза қилиш бўйича жорий йил тадбирлар режасига мувофиқ Андижон вилоятининг Булоқбоши ва Хўжаобод туманларида қўмондонлик-штаб ўқув машқлари ўтказилмоқда. Бу ҳақда ФВВ ахборот хизмати хабар берди.
Машқларни ўтказишдан кўзда тутилган мақсад иккиламчи зилзила омиллари билан боғлиқ фавқулодда вазиятлар оқибатларини бартараф этишдаги ҳаракатларни мувофиқлаштиришдан иборат.
Машғулотларини ўтказишга ФВВ бўлинмалари, маҳаллий ҳокимлик органлари, Андижон вилоят ФВДТ ҳудудий кичик тизимининг тегишли хизматлари (коммунал хизматлар, ёнғин хавфсизлиги ва транспорт хизматлари, жамоат тартибини сақлаш, автотранспорт ва тиббий хизмат ва бошқалар), шунингдек, ишлаб чиқариш билан банд бўлмаган аҳоли жалб қилинди.
Изоҳ (0)