Самарқанд ва Тожикистоннинг Сўғд вилояти ўртасида яқин қўшничиликка асосланган ҳамкорлик тобора мустаҳкамланиб бормоқда. Бу ҳақда вилоят ҳокимлиги ахборот хизмати маълум қилди.
Хусусан, 1 март куни Самарқанд вилоятининг «Жартепа» ва Суғд вилоятининг «Саразм» ўтказиш пунктлари ўз ишини тиклади. Самарқанд — Панжакент оралиғида А-377 халқаро автомобиль йўли яна очилди.
7 март куни Самарқанд шаҳрида икки халқнинг буюк вакиллари — Алишер Навоий ва Абдураҳмон Жомийга ёдгорлик ўрнатилди.
Шу куни «Жартепа» ўтказиш пунктида давлат раҳбарининг Сўғд вилоятига совғаси — Самарқанд автомобиль заводида ишлаб чиқарилган автобус топширилди.
10 март куни эса Сўғд вилояти раиси Ражаббой Аҳмадзода Самарқанд вилояти ҳокими Туробжон Жўраевга «Саразм»-«Жартепа» ўтказиш пункти орқали қимматбаҳо совға юборди.
Ахборот хизмати совға нимадан иборат эканлигига аниқлик киритмади.
Изоҳ (0)