Samarqand va Tojikistonning So‘g‘d viloyati o‘rtasida yaqin qo‘shnichilikka asoslangan hamkorlik tobora mustahkamlanib bormoqda. Bu haqda viloyat hokimligi axborot xizmati ma’lum qildi.
Xususan, 1-mart kuni Samarqand viloyatining “Jartepa” va Sug‘d viloyatining “Sarazm” o‘tkazish punktlari o‘z ishini tikladi. Samarqand — Panjakent oralig‘ida A-377 xalqaro avtomobil yo‘li yana ochildi.
7-mart kuni Samarqand shahrida ikki xalqning buyuk vakillari — Alisher Navoiy va Abdurahmon Jomiyga yodgorlik o‘rnatildi.
Shu kuni “Jartepa” o‘tkazish punktida davlat rahbarining So‘g‘d viloyatiga sovg‘asi — Samarqand avtomobil zavodida ishlab chiqarilgan avtobus topshirildi.
10-mart kuni esa So‘g‘d viloyati raisi Rajabboy Ahmadzoda Samarqand viloyati hokimi Turobjon Jo‘rayevga “Sarazm”-“Jartepa” o‘tkazish punkti orqali qimmatbaho sovg‘a yubordi.
Axborot xizmati sovg‘a nimadan iborat ekanligiga aniqlik kiritmadi.
Izoh (0)