Сурхондарё вилояти Жанубий Корея фуқаролари ташрифи учун хавф туғдириши мумкин бўлган ҳудудлар рўйхатидан чиқарилди. Бу борада ташаббус кўрсатган Туризмни ривожлантириш давлат қўмитаси матбуот хизмати шу ҳақда маълум қилди.
Жанубий Корея элчиси Квон Ён-У вилоятга ташриф буюриб, инфраструктура ва жойлардаги вазият билан танишди. Туризм индустрияси ривожи, мамлакатнинг бир неча сайёҳлик марказида муваффақиятли амалга оширилган туризм полицияси ва хавфсиз туризм концепцияси ҳақида батафсил маълумот олди.
Шу сабабли 2 мартдан бошлаб Жанубий Корея ташқи ишлар вазирлиги Термиз ва Афғонистон билан чегарадош туманларни Корея республикаси фуқаролари сайёҳатлари давомида алоҳида эътибор қаратиладиган ҳудудлар рўйхатига киритиш ҳақидаги қарорини бекор қилди.
Бу минглаб сайёҳларнинг минтақага келиши, иқтисодиёт, туризм ва маданият соҳаларида ҳамкорлик алоқалари янада ривожланиши учун хизмат қилади.
Изоҳ (0)