Миллий матбуот марказида ўтказилган навбатдаги тадбир мамлакатда ҳунармандликни янада ривожлантириш масалаларига бағишланди. Бу ҳақда ЎзА хабар берди.
«Ҳунарманд» уюшмаси ҳунармандларга қулайликлар яратиш борасида кенг кўламли ишларни амалга оширмоқда. Жумладан, 2017 йилнинг декабрь ҳолатига кўра, уюшма аъзолари 10247 нафарни ташкил этган бўлса, жорий йилда улар сафига яна 8 мингдан ортиқ ҳунарманд қўшилди.
Ҳунармандлик маҳсулотларини экспорт қилиш ҳажмини ошириш ҳамда ушбу соҳада халқаро ҳамкорликни мустаҳкамлаш мақсадида жорий йилда дунёнинг 20 дан ортиқ давлатида 113 кўргазма ва ярмарка ўтказиш чоралари кўрилмоқда.
Бундан ташқари, уюшма таъсисчилигида Уз cрафт анд арт масъулияти чекланган жамияти ташкил этилди. Келгусида мазкур корхона тизимида мамлакат туристик объэктлари, диққатга сазовор жойлари, ҳудудлардаги ҳунармандлик марказларида ҳамда бир қатор бозорларда амалий ва тасвирий санъат асарлари савдоси билан шуғулланувчи дўконлар очилади.
— Президент фармони асосида ҳунармандларга бир қатор имтиёз ва преференциялар берилди, — дейди уюшма масъул ходими Д.Сатторов. — Унга кўра, энди ҳунармандлар солиқ тўловидан озод этилиши, маҳсулотларини экпорт қилишдан тушган хорижий валютани эркин тасарруф қилиши мумкин. Уларга ер майдонлари ва бинолар ажратиш, муҳандислик-коммуникация тармоқларига уланиш, имтиёзли кredитлар бериш, ҳунармандлик маҳсулотларини сотиш ва экспорт қилиш борасида яратилган қулайликлар асрий анъналар бардавомлигини таъминлашга хизмат қилади. Мамлакатнинг 23 шаҳар ва туманида ҳурмандмандликни ривожлантириш марказларини ташкил этиш, шу йўналишда 3015 та лойиҳани амалга ошириш галдаги режаларимиздан.
Изоҳ (0)