Эронда қутқарув отрядлари Туркиянинг Bombardier Challenger 600 хусусий самолёти қулаган ҳудудга етиб борди. Бу ҳақда мамлакат фавқулодда вазиятлар бошқармаси маълум қилди, дея хабар беради «Известия».
Ҳалокат жойида 11 киши — 8 йўловчи ва 3 нафар экипаж аъзосининг куйган тана қолдиқлари топилди. Уларнинг шахсини аниқлаш учун ДНК таҳлили талаб қилиниши билдирилмоқда.
Қидирув-қутқарув операциясига бир неча махсус бригада, шунингдек, альпинистлар ва ўт ўчирувчилар жалб этилди. Самолёт бўлаклари денгиз сатҳидан 400-500 метр баландликда, деярли қоя қирғоғида топилди.
Эслатиб ўтамиз, Basharan Holding’га қарашли ва Шаржадан Истанбулга йўл олган хусусий самолёт 11-март, якшанба куни Тошкент вақти билан соат 20:20 да радарлардан ғойиб бўлди.
Шаҳри Корд шаҳри яқинидаги тоғли ҳудудда қулаган ва ёниб кетган ҳаво кемаси бортида холдинг эгаси қизи, 28 март куни тўйи бўлиши белгиланган Мина Башаран ва унинг 7 нафар дугонаси бор эди.
Изоҳ (0)