Жорий йилнинг 26 февралидан 4 мартигача бўлган вақт мобайнида онлайн аукционлар орқали 119 та автомобиль рақам белгиси сотилди. Бу аввалги ҳафтага нисбатан икки маротаба кўп, дея хабар беради Республика товар-хом ашё биржаси матбуот хизмати.
Улардан 104 таси жисмоний шахслар, 15 таси юридик шахсларга сотилди.
Сотилган давлат рақам белгиларининг умумий суммаси 3 миллиард сўмни ташкил қилиб, аввалги ҳафта кўрсаткичига нисбатан уч баравар ортди.
Битимларнинг деярли 80 фоизи олий тоифадаги авторақамлар, 13,4 фоизи 2-тоифа ҳамда 6,8 фоизи 3-тоифа авторақамларга тўғри келди.
Харидорлар орасида етакчиликни Тошкент шаҳри ҳамда Тошкент вилояти, кейинги ўринларни Фарғона ва Самарқанд вилояти ҳайдовчилари эгаллади.
Изоҳ (0)